नागपूर:- हरिहर मंदिर परिसरात शुक्रवार रोजी सकाळी १० वा. राष्ट्रवादी कांग्रेस पार्टीचे शरद पवार यांचा निषेध म्हणून त्यांना “जय श्री राम” ओळी लिहिलेली १० हजार पोस्टकार्डे लिहून पाठवण्याचा आगळावेगळा असा अभिनव निषेध उपक्रम पूर्व नागपुर भाजपचे आमदार कृष्णा खोपड़े यांचे मार्गदर्शनात राबविण्यात येणार आहे.
आगामी ५ ऑगस्ट रोजी राममंदिर निर्माण भुमि पुजनाचा दिमाखदार सोहळा अयोध्येत आयोजित केला जाणार आहे, यानुषंगे सोशल मीडिया वर घरोघरी दिप प्रज्वलन वगैरे विवीध बाबींतून सर्वत्र हर्षोल्हास दिसतो आहे पण तत्पुर्वीच यावर राष्ट्रवादी कांग्रेस संस्थापक अध्यक्ष शरद पवार यांनी “राम मंदिर बांधून कोरोना जाईल का?
असे विधान करत या प्रसंगास महत्व व तसे देणा-यांचे कुतूहलास ब्रेक लावला, अनेकांनी यासाठी सोशल मिडियायावर त्यांचा खरपूस समाचार घेतलेला आहेच तर राजकीय क्षेत्रातील व्यक्तिंनी या जेष्ठ जाणत्या नेतृत्वाकडून अशी अपेक्षा नव्हती, असाच सुर दर्शविला आहे, याविरोधात भाजपा वतीने ठिकठिकाणी असा निदर्शनाचा उपक्रम राबविला जाणार आहे.
उपक्रमाकरिता पक्षाचे कार्यकर्ते व जनसामान्यांसही जास्तितजास्त संख्येने यात सहभाग घेण्यास आवाहन केले जात आहे, सोशल डिस्टेंस पालन करत घरूनच पत्र लिहून आणणा-यांचीही पत्रे यात समाविष्ट केली जातील.
