Category: Informative

नागपूर:- जगात प्रातिनिधीत्व असणारे विश्व सिंधी सेवा संगम आणि पुण्यातील संस्था सुहिना सिंधी यांच्या वतीने अयोध्येत उभारल्या जाणा-या राम मंदिरात आंतरराष्ट्रीय अध्यक्ष डॉ. राजू मानवाणी यांच्या नेतृत्वात प्रत्येकी एक किलो वजनाच्यी 200 चांदीच्या विटा देणार आहेत जागतिक सिंधी सेवा संगमचे महाराष्ट्र अध्यक्ष प्रताप मोटवानी म्हणाले की, उत्तर प्रदेशचे मुख्यमंत्री योगी आदित्यनाथ यांनी भेटीचा वेळ दिल्यानंतर दिवाळीच्या आसपास लवकरच या विटा अयोध्या किंवा लखनऊमध्ये त्यांच्याकडे सुपुर्द केल्या जातील.

सिंधी समाजातील वरुण देवतांचे पोर्ट्रेटही या २०० चांदीविटांवर रंगविले जाईल. या 200 चांदीच्या विटा माजी मुख्यमंत्री देवेंद्र फडणवीस, सिंधी समाजचे इंदौरचे खासदार शंकर लालवाणी आणि यू.पी. मधील गोरखपूरचे खासदार रवी किशन यांच्या मार्गदर्शनात देण्यात येतील, अशी माहिती डॉ.राजू मानवाणी यांनी दिली. सुहिना सिंधी अध्यक्ष पीतांबर पीटर ढलवानी यांच्या म्हणण्यानुसार, या सद्गकार्यासाठी संपूर्ण जगातील सिंधी समाज मोठ्या उत्साहात सहकार्य करून या पुण्य कार्यात भाग घेत आहे.

संपूर्ण जग त्यात योगदान देत आहे. महाराष्ट्राचे अध्यक्ष प्रताप मोटवानी म्हणाले की, महाराष्ट्रातील अनेक भाविकांचे यात सहकार्य मिळत आहे. नागपुरातील अ‍ॅड मीरा भंभवानी यांच्या संयोजनात २ चांदीच्या विटा दिल्या जात आहेत. हिंगणघाट येथूनही एक वीट पाठविण्यात येत आहे. वर्धा येथून भगवानदास आहुजा व जेसा मोटवानी वडसा यांनीही पाठिंबा दर्शविला आहे. महाराष्ट्रात पूणे मुंबईसह इतर शहरांचा पाठिंबा मिळाला असून नागपूरच्या झुलेलाल मंदिराच्या कोडूमल धनराजनी यांनीही सहकार्याचे आश्वासन दिले आहे.

दादा गोपाळदास सजनानी, डॉ. राजू मनवाणी, अनूप थारवाणी, भारती छाबरीया, पितांबर पीटर ढलवानी म्हणाले की, दिवाळीच्या सुमारास किलोग्राम वजनाच्या 200 चांदीच्या वीटा झुलेलाल भगवानांचे चित्राने रंगतील. महाराष्ट्र विश्व सिंधी सेवा संगम, देणगीदाराला एक आकर्षक आभार पत्र देईल आणि सिंधी सम्मेलनात मोठ्या देणगीदारांचे सत्कार केले जातील.

नागपूर:- केंद्र व राज्य शासकीय रुग्णालयात कोविड१९ रूग्णांवर उपचार विनामूल्य केले जात आहेत. वैद्यकीय कोर्स दरम्यान निधीची गरज भासल्यास अखिल भारतीय वैद्यकीय संस्था, शासकीय वैद्यकीय महाविद्यालय, मेयो इत्यादी सरकारी रुग्णालयांना निधी उपलब्ध होण्याकरिता तांत्रिक व प्रशासकीय मान्यतेसाठी जिल्हा दंडाधिकारी कार्यालयाकडे प्रस्ताव पाठविणे आवश्यक आहे. यानुसार निधी उपलब्ध करुन देण्यात येईल.

शासकीय वैद्यकीय महाविद्यालय व रुग्णालय, इंदिरा गांधी शासकीय वैद्यकीय महाविद्यालय व रुग्णालय, लता मंगेशकर रुग्णालय, शालिनीताई मेघे रुग्णालय व संशोधन केंद्र येथे रेमेडिसिव्हिर इंजेक्शनची उपलब्धता करुन देण्यात आली आहे. याव्यतिरिक्त, शालिनीताई मेघे रुग्णालय व संशोधन केंद्रालाही रेमेडिसिव्हिर इंजेक्शन खरेदीसाठी लागणार्‍या खर्चाची भरपाई केली गेली आहे. या व्यतिरिक्त, ऑल इंडिया इन्स्टिट्यूट ऑफ मेडिकल सायन्सेसकडून टॅब फॅव्हिपव्हिरवीर, एन्टीजेन टेस्ट, आरटी पीसीआर चाचणीही पुरविली गेली आहे.

राज्य सरकारच्या या संस्थांना आवश्यक निधी आणि साहित्य पुरविण्यासाठी जिल्हा दंडाधिका-यांच्या अध्यक्षतेखाली समिती गठीत करण्यात आली आहे. जिल्हा शल्य चिकित्सक डॉ. डी.व्ही. पातूरकर यांनी ऑल इंडिया इन्स्टिट्यूट ऑफ मेडिकल सायन्सेस कडून समितीला रेमेडिसिव्हिर इंजेक्शन खरेदी करण्यासाठी किंवा अनुदानाच्या खर्चाची भरपाई करण्यासाठी कोणतीही अनुदान देण्याबाबत माहिती दिली. कोविड -१९ रुग्णांना आवश्यक रिमडिशिव्हर इंजेक्शनच्या मागणीनुसार पुरवठा पुरेसा आहे. इंदिरा गांधी शासकीय वैद्यकीय महाविद्यालयात 300 आणि शासकीय वैद्यकीय महाविद्यालयात 200 इंजेक्शन्स उपलब्ध आहेत. रुग्णांना मोफत सेवा दिली जात आहे.

नागपूर:- शहरातील हजारो लोक विविध बँकांच्या एटीएम बूथवर जाऊन पैसे काढतात, परंतु कोरोना पासूव बचावाच्या सुरक्षात्मक सुविधा येथे उपलब्ध नाहीत. अशा परिस्थितीत एटीएमच्या माध्यमातून कोरोना संक्रमण होण्याची शक्यता बळावत आहे. जिल्ह्यात जवळपास 1300 एटीएम बूथ आहेत. त्यापैकी बहुतेकांत बूथमध्ये प्रवेश नियंत्रण करण्यासाठी गर्दी होऊ न देण्यासाठी व पैशाची सुरक्षा करण्यासाठी पहारेकरीच नाहीत. यामुळे, कोरोना संसर्गाची भीती नेहमीच लागून असते.

ग्राहक मशीनमध्ये पिन कोड प्रविष्ट करण्यासाठी बटणावर आपली बोटे ठेवतात. अशा परिस्थितीत जर एखाद्या संक्रमित व्यक्तीने आधीच त्याचा वापर केला असेल तर कोरोनाचा संसर्ग इतर लोकांपर्यंत सहज पोहोचू शकतो. कोणत्याही बँकांकडून एटीएम बूथमध्ये सॅनिटायझेशनची व्यवस्था केली जात नाही. बरेच लोक काळजी म्हणून त्यांचेसोबत सॅनिटाईजर आणतात आणि ते वापरल्यानंतरच पैसे काढतात.

कोणतीही सुरक्षा व्यवस्था नाही:

हुडकेश्वर रोड, मेडिकल, सक्करदरा, वाडी, हिंगणा, कामठी रोड, सीए रोड यासह जिल्हाभरातील एटीएम सुरक्षित नाहीत, तसेच बँकांकडून किंवा पोलिस गस्ती पथकाद्वारे यासाठीची कोणतीही सुरक्षा व्यवस्था नाही. सुरक्षा रक्षकांविना एटीएम बूथ रामभरोसे झाले आहेत. अनेक एटीएममध्ये पहारेकरीही नाहीत. सीसीटीव्ही कॅमेरेही बस शोपीस म्हणून स्थापित केले गेले आहेत की काय अशीच शंका त्याच्या अवस्थेकडे पाहून येते.

सध्या जिल्ह्यात विविध बँकांचे 1300 हून अधिक एटीएम आहेत, परंतु त्यापैकी 90 टक्के आउटसोर्सिंग एजन्सीकडून चालविण्यात येत आहेत. एटीएम चालविणा-या खासगी कंपन्यांकडून एटीएमची देखभाल न केल्याने शहरातील एटीएमची अवस्था दिवसेंदिवस खराब होत आहे. या एटीएममध्ये सुरक्षा रक्षकांसह सॅनीटायझर यंत्रणेची मागणी लोकांनी अनेकदा केली आहे पण कोणीही याकडे लक्ष दिले नाही.

रक्षकांविना असुरक्षिततेचे वातावरण:

आतापर्यंत शहरात अनेक एटीएम तोडण्याच्या घटना घडल्या आहेत. परंतु तरीही, आउटसोर्सिंग कंपन्या त्याचे देखभाल आणि सुरक्षेकडे लक्ष देत नाहीत. ज्या एटीएममध्ये रक्षक नसतात, ज्यांचे सीसीटीव्ही बंद आहेत, अशा बाबतही ते निश्चित दिसतात. एटीएम लुटण्याचे कारण हेच दुर्लक्ष असावे असे वाटते.

एटीएम ऑपरेट करणार्‍या खासगी कंपन्या एटीएमची जबाबदारी स्वीकारतात, पण ती देखभाल करण्यास दुर्लक्ष करतात. या कंपन्यांकडून सुरक्षा रक्षकदेखील पुरवले जात नाहीत. त्याच वेळी, जे एटीएम स्वत: बँकाद्वारे चालविले जाताहेत, तेथील गार्डही बरेचदा गडप असतात. एटीएममध्ये रक्षक नसल्यामुळे लोकांना येथे असुरक्षित वातावरण वाटते, परंतु ते त्यांचा वापर करण्यास भाग असतात. सीसीटीव्ही बर्‍याच वेळा काम करत नसल्यामुळे एटीएममध्ये येणा-या ग्राहकांमध्येही एटीएम कार्ड क्लोनिंग करण्याची भीती कायम आहे. आज बँकांनी ग्राहकांना चिपकार्ड एटीएम कार्ड दिले असले तरीही ग्राहकांच्या मनात अद्यापही भीती आहे.

नागपूर:- नागपूर जिल्ह्यातील शासकीय व खासगी हॉस्पिटलमध्ये कोरोना आजारासाठी महत्त्वपूर्ण असणाऱ्या रेमडीसीव्हर या औषधांचा तुटवडा पडता कामा नये, असे निर्देश आज जिल्हाधिकारी रविंद्र ठाकरे यांनी पुरवठादार कंपन्यांना दिले आहेत. हॉस्पिटलने अशा पद्धतीचा तुटवडा असल्यास प्रशासनाची मदत घ्यावी, असे आवाहनही जिल्हाधिकाऱ्यांनी केले आहे.

नागपुर मधील काही खासगी हॉस्पिटलनी रेमडीसीव्हर औषधांचा तुटवडा जाणवत असल्याचे जिल्हा प्रशासनाच्या लक्षात आणून दिले होते. जिल्हाधिकारी रविंद्र ठाकरे , जिल्हा परिषदेचे मुख्य कार्यकारी अधिकारी योगेश कुंभेजकर, अन्न व औषधी प्रशासन विभागाचे उपायुक्त गडेकर यांनी ही बाब लक्षात आल्यानंतर रेमडीसीव्हर पुरवठा करणाऱ्या सिप्ला, हेटेरो, मायलन, गायडस या कंपन्यांच्या नागपूर येथील स्थानिक प्रतिनिधींना याबाबत अवगत केले.

अन्न व औषध प्रशासन विभागाने कोरोना संदर्भातील कोणत्याही औषधा बाबतची कृत्रिम टंचाई जाणवत कामा नये. तसेच नागपूर जिल्ह्यातील शासकीय व खासगी रुग्णालयांमध्ये आवश्यक असणाऱ्या रेमडीसीव्हर औषधांचा नियमित व सुलभ पुरवठा कोवीड रूग्णालयांना प्राधान्याने व्हावा, असे या पुरवठादारांना निर्देशित केले आहे.
औषधांचा तुटवडा असल्याबाबत कोरोना बाधित यांच्या नातेवाईकांना काही ठिकाणी सांगण्यात येत आहे. अशा पद्धतीने औषधांचा तुटवडयाबाबत नागरिकांमध्ये गोंधळ उडवून देऊ नये, अशी सूचनाही जिल्हा प्रशासनाने केली आहे. रुग्ण संख्या वाढत असताना या पद्धतीच्या औषधांचा तुटवडा जाणवणार नाही, यासाठी प्रशासन लक्ष ठेवून आहे.

यापूर्वी ऑक्सिजनच्या पुरवठयाबाबतही अशाच पद्धतीच्या अफवा उडत होत्या. मात्र नागपूर येथील शासकीय व खासगी रुग्णालयांसाठी आवश्यक असणारा पुरेसा ऑक्सिजनचा साठा जिल्हयात उपलब्ध असल्याचे जिल्हाधिकाऱ्यांनी स्पष्ट केले. यासंदर्भातील गठित समिती ऑक्सिजनच्या तुटवड्याचा दररोज आढावा घेत असल्याचे त्यांनी सांगितले आहे. ऑक्सिजन पुरवठा संदर्भात अतिरिक्‍त जिल्‍हाधिकारी श्रीकांत फडके हे नोडल अधिकारी असून तुटवडा संदर्भात O712-2562668 या क्रमांकावर संपर्क साधावा, असे आवाहन करण्यात आले आहे.