Category: Informative

नागपूर स्मार्ट ‍ॲन्ड सस्टेनेबल सिटी डेव्हलपमेंट कारपोरेशन लिमिटेडच्या वतीने स्टेक होल्डर्स मीटचे श्रृंखला अंतर्गत शहरातील सार्वजनिक व खाजगी क्षेत्रातील कारपोरेट कंपनीची सभा शनिवारी स्मार्ट सिटीचे कॉफ्रेस हॉल मनपाच्या छत्रपती शिवाजी महाराज प्रशासकीय इमारतमध्ये करण्यात आले होते.

मनपा आयुक्त श्री. राधाकृष्णन बी., अतिरिक्त आयुक्त श्री. जलज शर्मा, स्मार्ट सिटी चे मुख्य कार्यकारी अधिकारी श्री. महेश मोरोणे व विविध कंपन्यांचे प्रमुख अधिकारी बैठकीला उपस्थित होते.

कारपोरेट कंपन्यांचे प्रतिनिधी यांना संबोधित करताना श्री. राधाकृष्णन बी. म्हणाले की, नागपूरचा विकास करण्यासाठी सगळयांना सोबत येण्याची गरज आहे. शहराचे विकासासाठी कारपोरेटसनी त्यांचे सी.एस.आर चा निधी उपयोग करुन शहरातील कोविडची परिस्थिती आटोक्यात आणण्यासाठी आणि नागपूर शहराला लाईव्हली, सेफ, सस्टेनेबल व हेल्दी शहर करण्याच्या दृष्टीने भरघोस मदत करण्याचे आवाहन केले. त्यांनी १८ कि.मी. चे रस्त्यावर डेडीकेटेड बायसिकल लेन तयार करण्याचे स्मार्ट सिटीचे प्रस्तावाची प्रशंसा केली. ही व्यवस्था नागपूरच्या नागरिकांना निरोगी ठेवण्यासाठी उत्तम ठरेल, असे ही त्यांनी सांगीतले.

यापूर्वी सी.ई.ओ. श्री. महेश मोरोणे यांना कंपनीचे प्रतिनिधी समोर स्मार्ट सिटीस्ज् मिशन अंतर्गत नागपूर शहरात राबविण्यात येत असलेल्या प्रकल्पांचे सादरीकरण केले. स्मार्ट सिटीस्ज्‍ मिशन केंद्र शासनाचे गृह निर्माण व शहरी विकास मंत्रालयाने २०१५ मध्ये सुरु केले आहे. नागपूरचा देशातील १०० शहरांमध्ये समावेश करण्यात आलेला आहे. त्यांनी सांगितले की, स्मार्ट सिटीस्ज् ‍मिशन अंतर्गत केंद्र शासनाने इंडिया सायकल्स फॉर चेंज चॅलेंज हा उपक्रम सुरु केला आहे. हा कार्यक्रम तीन टप्प्यामध्ये राबविण्यात येणार आहे. प्रथम चरणामध्ये नागपूरात लहान-लहान उपाय करुन सायकलिंग ला प्रोत्साहन देण्यासाठी प्रयत्न केले जात आहे. सोबतच नागरिकांमध्ये वातावरण निमिर्ती करुन त्यांना रोजचे कामांसाठी सायकलचा वापर करण्यासाठी प्रवृत केले जात आहे. नागपूरात सायकल चालविण्या योग्य १८ कि.मी. रस्त्यांवरती डेडीकेटेड बायसिकल लेन तयार करण्यात येणार आहे. शहरातील जास्तीत-जास्त नागरिकांनी सायकलला प्राधान्य दयावे यासाठी उपाययोजना केल्या जात आहे. या दृष्टने नागपूर शहराने स्मार्ट ‍सिटीच्या माध्यमातून हॅन्डल बार सर्व्हे व्दारा एका आठवडयात १८ कि.मी. चे रस्ते सायकलिंग साठी ‍निश्चित केले व या रस्त्यांवर स्मार्ट सिटीचा एकही पैसा खर्च न करता सी.एस.आर. निधीतून दोन कोटी किंमतीचे काम करण्यात येणार आहे. असे त्यांनी नमूद केले.

स्मार्ट सिटीच्या कार्याची दखल घेवून दि. ४ सप्टेंबर रोजी केंद्र शासनाचे गृह निर्माण व शहरी विकास मंत्रालय व आय.टी.डी.पी. यांचे संयुक्त विद्यमाने आयोजित वेबीनारमध्ये स्मार्ट सिटीचे सीईओ श्री. महेश मोरोणे यांना सादरीकरणासाठी व याव्दारे इतर शहरांना ही माहिती देण्यासाठी आमंत्रित करण्यात आले होते, हे विशेष. आय.टी.डी.पी.च्या मोबीलीटी क्षेत्रातील तज्ञ अस्वथी दिलीप व श्रेया गाडेपल्ली यांनी नगापूरमध्ये इंडीया सायकल्स् फॉर चेंज चॅलेंज अंतर्गत इतक्या कमी कालावधीत कौतुकास्पद कामगिरी केल्याने श्री. मोरोणे यांचे अभिनंदन केले.

यावेळी अतिरिक्त आयुक्त श्री. जलज शर्मा यांच्या हस्ते दहा सायकली सी.एस.आर. निधी मधून देणारे फन प्लॅनेट चे श्री. रुपचंद गोपलानी व श्री. जितू गोपलानी यांचा सत्कार करण्यात आला.

बैठकीत उपस्थित विदर्भ इंफोटेक कंपनीचे सीएमडी प्रशांत उगेमुगे यांनी रुपये दहा लक्ष त्यांच्या कंपनीच्या सी.एस.आर निधीतून देण्याची घोषणा केली. त्याप्रमाणे आय.टी पार्क मधील पर्सिस्टंट सिस्टमचे मुख्य अधिकारी श्री. समीर बेंद्रे हे काही कारणाने उपस्थित राहू शकले नसले तरी कोविडचे कामासाठी व सायकल ट्रॅक साठी भरघोस मदत त्यांचे कंपनीचे सी.एस.आर. धोरणा अंतर्गत करण्याचे श्री. मोरोणे यांना आश्वासन दिले. यासोबतच एल.ॲन्ड टी कंपनीने सुध्दा भरघोस मदत देण्याचे जाहिर केले. इतर कंपन्यांच्या प्रतिनिधींनी त्यांच्याकडे याबाबतचे लेखी प्रस्ताव पाठवल्यास कंपनीच्या धोरणानुसार सी.एस.आर अंतर्गत मदत करण्याचे आश्वासन दिले.

टाटा एडवांन्स सिस्टम, ओ.सी.डब्ल्यू, सोलर इंडस्ट्रीज इंडीया ‍लिमिटेड, इंडीयन ऑइल कॉ.लि., बीपीसीएल, प्लास्टो टॅक प्रा.लि. वेकोली, एजी एनवायरो इंफ्रा प्रोजेक्टस् प्रा.लि., आय.सी.आय.सी.आय बॅकचे प्रतिनिधी तसेच इन्स्पायर या ॲपलचे शो रुमचे मालक शंतनु गद्रे उपस्थित होते. श्री. राधाकृष्णन बी., श्री. जलज शर्मा व श्री. मोरोणे यांनी उपस्थित सर्व कंपनीच्या प्रतिनिधींचे अभिनंदन केले.

नागपूर महानगरपालिकेतर्फे वारंवार करण्यात आलेल्या आवाहनाला नागपूरकर जनतेने भरभरून प्रतिसाद दिला. यंदा सार्वजनिकरित्या गणेशोत्सव साजरा न करणे, चार फुटांपेक्षा जास्त उंचीची मूर्ती ठेवू नये तसेच गणेश मूर्तींचे विसर्जन प्राधान्याने घरीच करण्याचे आवाहन महापौर संदीप जोशी यांनी केले होते. नागपूर महानगरपालिकेतर्फे करण्यात येणा-या या आवाहना नागपूरकरांनी उत्स्फूर्त प्रतिसाद दर्शविला. अनंत चतुर्दशीला अनेक नागपूरकरांनी घरीच विघ्नहर्त्या गणरायाच्या मूर्तीचे विसर्जन करून आपल्या जबाबदारपणाची प्रचिती दिली. या संकटप्रसंगी नागपूरकर जनतेने दाखविलेली सामंजस्याची भूमिका कौतुकास्पद असून शहराचा प्रथम नागरिक या नात्याने समस्त नागपूरकरांचे आभार मानतो, अशा शब्दांत महापौर संदीप जोशी जनेतेच्या सहकार्याप्रती कृतज्ञता व्यक्त केली.

मंगळवारी (ता.१) महापौर संदीप जोशी यांनी शहरातील विसर्जनस्थळी भेट देउन परिस्थितीचा आढावा घेतला. शहरातील फुटाळा, गांधीसागर आणि सक्करदरा तलाव परिसरातील कृत्रिम टँकची व्यवस्था केलेल्या विसर्जनस्थळाची पाहणी केली. याप्रंसगी स्थायी समिती सभापती विजय (पिंटू) झलके, क्रीडा समिती सभापती प्रमोद चिखले, पोलिस उपायुक्त विनीता शाहू, उपायुक्त घनकचरा व्यवस्थापन डॉ. प्रदीप दासरवार, पोलिस निरीक्षक राघवेंद्रसिंग क्षीरसागर आदी उपस्थित होते.

महापौरांनी सर्वच ठिकाणी सेवाकार्य बजावणा-या मनपाच्या कर्मचा-यांसह, पोलिस कर्मचारी, स्वयंसेवी संस्थांच्या प्रतिनिधींसोबत यावेळी संवाद साधला. फुटाळा तलावात सेवा देत असलेल्या ग्रीन व्हिजील फाउंडेशन आणि मर्चंट नेव्ही ऑफीसर्स वेलफेअर असोसिएशनच्या स्वयंसेवकांकडूनही महापौर संदीप जोशी यांनी आढावा घेतला. शहरातील विसर्जनस्थळी मागील वर्षीच्या तुलनेत यावर्षी अत्यंत कमी प्रमाणात गणेश मूर्ती विसर्जीत करण्यात आल्या आहेत. परिसरात येणारे प्रत्येक नागरिक नियमांचे पालन करूनच येत आहेत. प्रत्येक जण स्वत:ची काळजी घेत असल्याची माहिती फुटाळा तलाव परिसरात सेवाकार्य बजावत असलेल्या ग्रीन व्हिजील फाउंडेशनचे संस्थापक कौस्तभ चॅटर्जी यांनी दिली. फुटाळा तलाव परिसरातील विसर्जन स्थळी ग्रीन व्हिजील फाउंडेशनच्या स्वयंसेवकांमार्फत पर्यावरणपूरक गणेशोत्सव व कोरोना संबंधी जनजागृती करणारे संदेशाचे फलक दर्शविण्यात आले होते. ग्रीन व्हिजीलचे कौस्तभ चॅटर्जी यांच्यासह सुरभी जायस्वाल, मेहुल कोसुरकर, विष्णूदेव यादव, शीतल चौधरी, नम्रता जवेरी, विकास यादव आदी स्वयंसेवकांनी मंगळवारी (ता.१) सकाळपासून विसर्जन पूर्ण होईपर्यंत सेवाकार्य बजावले.

दरवर्षीच्या तुलनेत यावर्षी शहरात २५० कृत्रिम टँक कमी लावण्यात आल्या आहेत. मात्र यानंतरही कोणत्याही स्थळी विसर्जनासाठी नागरिकांची गर्दी दिसत नाही. हा नागपूरकर जनतेद्वारे मिळालेला सामंजसपणाचा संदेश आहे. अशीच खबरदारी आपण पुढेही घेत अनावश्यक गर्दी टाळण्याची तत्परता दाखविल्यास लवकरच कोरोनाला हद्दपार करू, असा विश्वासही यावेळी महापौर संदीप जोशी यांनी व्यक्त केला.

दुर्गोत्सवातही नियमांचे पालन व्हावे