Category: Nagpur Local

नागपूर:- कोरोनाच्या वाढीचे कारण म्हणजे अधिकाधिक लोक पॉझिटिव्ह रूग्णांच्या संपर्कात येताहेत. मे महिण्यात पुरेशी दक्षता न बाळगल्यामुळे संक्रमितांची संख्या अचानक वाढली. ही मालिका पुढेही सुरू राहील. परंतु प्रशासनाने संपर्कात आलेल्या 20-दिवसांच्या जुन्या इतिहासाच्या आधारे जास्तीत जास्त लोकांना विलग राखल्यामुळे निरीक्षणाखालील असलेल्यांतच पॉजिटिव्ह आढळत आहेत. हा प्रशासनास काही प्रमाणात दिलासा जरी असला तरी पावसाळ्याचे हंगामात घेतलेल्या निष्काळजीपणा भोवू शकतो. दरम्यान, मंगळवारी 12 रुग्णांमध्ये संसर्गाची पुष्टी झाली. यासह, संख्या आतापर्यंत 1077 वर पोहोचली.

मे अखेरीस आणि जून सुरूवातीस रुग्णांची संख्या वाढली. ईतकेच नाही तर नवनव्या भागात रूग्ण आढळल्याने प्रशासनाला अधिक कसरत करावी लागत आहे. संबंधित जागेस सिल करण्याव्यतिरीक्त पोलिसही तैनात करण्यात आलेत. मंगळवारी आलेल्या अहवालांत भाईपुरा, बजेरिया, हिंगणा अमर नगर, शांतीनगर, इंदोरा, भानखेडा, महाल, चंद्रमणी नगर आणि नाईक तलाव येथील रुग्णांमध्ये संसर्गाची पुष्टी झालीय. वरील सर्व लोकांना वेगवेगळ्या विलगीकरण केंद्रात ठेवण्यात आले होते. हे अहवाल आल्यानंतर संपर्कात आलेल्यांची यादी बनवत विलगीकरण केंद्रावर पाठविण्याची प्रक्रिया प्रशासनाद्वारे सुरू झाली. दरम्यान, मंगळवारी एकूण 5 जणांना एम्स आणि मेडिकलमधून सुटी देण्यात आली.

आजपर्यंत शहरात

• एकूण संसर्गीत 1,077.
• मंगळवारी 12 पॉजिटिव्ह
• 17 अद्याप मृत
• 2,328 विलगीकरणात
• 303 गृह विलगीकरणात
• 650 बरे होऊन सुट्टी झाले

नागपूर:- नागपुरात कोरोनाबाधितांची संख्या कमाल दिशेने वाटचाल करतांनाचे चित्र आहे, पॉझिटिव्हांची संख्या कमी होण्याऐवजी झपाट्याने सतत वाढत आहे, काल पॉझिटिव्हची संख्या हजाराच्या वर गेली आहे, एकुण १०४१ रूग्णसंख्या नोंद कालपर्यंतची आहे. नागपुरात एकाच दिवसात ८६ कोरोना पॉझिटिव्हांचीही नोंद मागेच झाली आहे.

नागपुरात आत्तापर्यंत एकूण ५० नवे पॉझिटिव्ह आढळले आहेत. नागपूरच्या वेगवेगळ्या भागातील चाचणीत लोक सकारात्मक आढळल्यानंतर आता नागपुरातील एकूण कोरोना पॉझिटिव्ह संख्या १०४१ वर पोचली आहे. यात नाईक तलावातील १७ आणि नरसाळ्यातील १ असे जे पूर्वीपासून विलग ठेवलेले होते, अशांचा समावेश आहे.

पुन्हा दिवसभरात ईतर भागातील रूग्णसंख्येचा जोड होत गेला ज्यात तीन नल चौक २, नाईक तलाव १७, आठवा माईल २, चंद्रमनी नगर ४, नरसाळा १, झाड़ीवाला ले-आउट १, आर्य नगर १, हुडकेश्वर १, आर टि पी एस २, निर्मल कालोनी १, मंगलवारी चिचघरे मोहल्ला १, निकालस मंदिर २, बजेरिया भोईपुरा १, भीम नगर ३, मोमिनपुरा ५, हंसापुरी २, शांति नगर १, ईतवारी धान्य बाजार १, महाल १, खाजगी लॅब १, असे तब्बल ५० ची भर पडत, एकुण बाधितसंख्या १०४१ वर पोचली.

महाराष्ट्राचे आरोग्यमंत्र्यांनी शनिवारी स्पष्ट केले की सरकारने खासगी प्रयोगशाळांत केल्या जाणा-या कोरोना विषाणू चाचणीचे दर 4500 रुपयांवरून कमी करून 2200 रुपये केले आहेत. या चाचणीचे दर कमी केल्याने आता लोकांना थोडा दिलासा मिळेल.

ते म्हणाले, ‘व्हायरल ट्रान्सपोर्ट मीडिया (व्हीटीएम) च्या माध्यमातून स्वॅब गोळा करण्यासाठी रुग्णालयांना आता 2200 रुपये आकारण्यात येणार आहे, तर थेट घरून स्वॅबचे नमुने गोळा करण्यासाठी 2800 रुपये मोजावे लागतील. पूर्वी ही फी अनुक्रमे 4500 आणि 5200 रुपये होती.

आरोग्यमंत्र्यांनूसार सुधारित दर प्रयोगशाळांकडून आकारले जाणारे कमाल दर असतिल. हे दर आणखी कमी करण्यासाठी जिल्हाधिकारी खासगी प्रयोगशाळांशी बोलू शकतात. “खासगी प्रयोगशाळांनी याहून जास्त शुल्क आकारल्यास त्यांच्यावर कायदेशीर कारवाई केली जाईल,” हे नवीन दर देशात सर्वात कमी असल्याचाही त्यांनी दावा केला.

कोविड -19 च्या चाचणीसाठी राज्यात सध्या 91 प्रयोगशाळा असून जवळपास चार ते पाच लवकरच तयार होतील. सरकारने मागील आठवड्यात राज्यातील अधिकृत खासगी प्रयोगशाळांद्वारे घेतल्या जाणार्‍या कोविड -19 चाचण्यांचे दर निश्चितीसाठी चार सदस्यीय समिती गठीत केली होती.

भारतीय वैद्यकीय संशोधन परिषदेने (आयसीएमआर) राज्यातील 44 सरकारी आणि 36 खासगी प्रयोगशाळांना कोरोना विषाणूची तपासणी करण्यास परवानगी दिली आहे. सरकारी-प्रयोगशाळांत चाचण्या मोफत असतात. तर आयसीएमआरने खासगी प्रयोगशाळांमध्ये चाचणीसाठी 4500 रुपये शुल्क निश्चित केले होते.

पूर्वी चाचणीसाठी आवश्यक असे किट आयात केले जात होते. त्यामुळे आयसीएमआरने खासगी प्रयोगशाळांसाठी हे शुल्क निश्चित केले होते. मात्र, आता किट भारतातच तयार केल्या जात आहेत, करिता आयसीएमआर खासगी प्रयोगशाळांशी नवीन दर विचारणा करत त्याबाबत निर्णय घेऊ शकले.