Category: Nagpur Local

नागपूर: राज्य सरकारने कोरोना संसर्गाच्या दुसर्‍या लाटेची जोरदार शक्यता व त्यापासूनचा धोका वर्तवलाय, त्याचवेळी जिल्हा प्रशासनाने जिल्ह्यात (ग्रामीण) 5 कोविड केअर सेंटर बंद केली आहेत. स्थानिक नागरिकांनी याचा जोरदार निषेध केला आहे. जिल्ह्यात कोरोनाची लागण होण्याचे प्रमाण वाढल्याने जिल्हा प्रशासनाने जिल्ह्यातील प्रत्येक तहसीलमध्ये एक कोविड केअर सेंटर सुरू केले. 13 तालिुक्यामध्ये 13 कोविड केअर केंद्रे सुरू केली गेली. पण गेल्या एक महिन्यापासून जिल्ह्यात कोरोना संक्रमण होण्याचे प्रमाण कमी झाले आहे. याला आधार धरत जिल्हा प्रशासनाने मौदा, कुही, सावनेरसह ५ ठिकाणते केंद्र बंद केले. ज्या तहसील मधील केंद्रे बंद केली गेली त्यांनी प्रशासनाच्या या निर्णयावर संताप व्यक्त केला आहे. ते म्हणतात की कोरोनाची दुसरी लाट आली तर रूग्णांना वेळेवर कुठे ठेवले जाईल.

धोका अद्याप टळलेला नाही, केंद्र सुरू करा: कोरोना संसर्गाचा धोका अद्याप टळला नाही. कोरोनाच्या दुसर्‍या लाटेच्या आगमनाचा अंदाज राज्य सरकारने वर्तविला आहे. अशा परिस्थितीत काही महिन्यांपासून हे केंद्रे यथास्थितित राखले गेले पाहिजे होते. कमी पेशंट येण्याचे कारण सांगून हे सेंटर बंद करणे योग्य नाही. बंद केंद्रे त्वरित सुरू करावीत. अशी संयोजक, शेतकरी हक्क मंच यांनी मागणी केली.

केंद्र तात्पुरते बंद: मौदा, कुही, सावनेर सह ज्या 5 तहसीलमध्ये कोविड केअर सेंटर बंद आहे ते कोविडचे रुग्ण गेल्या दोन आठवड्यांपासून सापडलेले नाही म्हणून तात्पुरती बंद केली गेली आहेत. रुग्ण येताच ही केंद्रे पुन्हा सुरू केली जातील. असे जिल्हा आरोग्य अधिकारी, -डॉ. दीपक सेलोकर यांनी सांगीतलेय

नागपूर: सणासुदीच्या दिवसात कोरोनावाढीचा जाणकारांचा अंदाज पुन्हा रंग घेतोय असे दिसू लागलेय, कमी होत जाणा-या आकडेवारीने परत उभारी घेतलीय, सुरुवातीला तपासण्या कमी व रुग्णांची संख्याही कमी कमी होत असल्याने याविषयाकडे सर्वांचे दुर्लक्ष होत असल्याचेच चित्र होते. अशात आता उत्सवी खरेदीदरम्यान कोरोणा महामारीच्या प्रतिबंधक उपाययोजनांची सावधगिरी नागरिकांकडून योग्यप्रकारे न बाळगण्याचा धोकाही निर्माण झाला.

शहरात काल दिनांक 11 नोव्हेंबर रोजी 271 कोरोना बाधित रुग्ण आढळून आले यात शहरातील 166 तर ग्रामीण भागातील 103 रुग्णांचा समावेश आहे दिवसभरात 64 कोरोना बाधित रुग्ण कोरोना मुक्त झाले आहेत तसेच सहा जणांचा मृत्यू झाला आहे चार हजार 192 रुग्णांची तपासणी करण्यात आली अशी माहिती सायंकाळी पाच वाजेपर्यंत जिल्हा माहिती कार्यालयाने दिली.

कोरोना अजून पूर्णपणे गेलेला नाही त्यामुळे कोरोना विषयक दक्षता बाळगण्याचे आवाहन सर्वच यंत्रणा ठिकठिकाणी करत आहेत. बाजारपेठेतील गर्दी नियंत्रणासाठीही प्रशासन उपाय योजना राबवत आहे, अशात नागरिकांनीही आपली जबाबदारी समजून योग्य ते नियम पालन अनुसरावे.

नागपूर: उपराजधानी नागपूर मध्ये कोरोना महामारीच्या संक्रमणाची दुसरी लाट येण्याची संभावना व्यक्त करण्यात येत आहे. पण त्याची निश्चित वेळ वा कालावधी कधी राहील याला घेऊन अनेक अनिश्चितता असल्याचे चित्र आहे. सणासुदिंचा मोसम सुरू झालेला आहे, त्यामुळे संदेह व्यक्त केला जात आहे की संक्रमणाची प्रकरणं अजूनही एक वेळा वाढू शकतात, परंतु जाणकारांचे मते एक बाब सुखावह आहे की नागपूर मध्ये प्रथम लाटेवेळी जशी स्थिती बिघडली होती तशी ती असणार नाही, पूर्व मध्ये जितकी भयावह स्थिती झाली होती तशी गंभीर असणार नाही कारण यंत्रणाही आता ब-याच प्रमाणात दक्ष आहे.

देशात कोरोनाचे प्रकरणांची दुसरी लाट बरेच जागी आढळली गेली, देशातील राजधानी दिल्लीमध्ये तर तिसरी लाट येण्याची गोष्ट केली जात आहे, यातच उपराजधानी नागपूरात दुस-या लाटेची शक्यता वर्तवल्या जात आहे. जिल्हाधिकारी रवींद्र ठाकरे यांनी याबाबत घाबरून न जाण्याचे आवाहन केले आहे.

ते सांगतात कि याबाबत बहुसंख्य चर्चा केल्या जात आहे, कालावधीबाबत मत मतांतरे आहेत कुणी नोव्हेंबर शेवटास तर कुणी सांगतय डिसेंबर अंतास वा काही जानेवरी पर्यंतही शक्यता सांगत आहेत. यात कसलीच एकवाक्यता नाही, तरी जेव्हाही अशी लाट येईल प्रशासन तयारीत असेल, जे आपण करू शकतो आपण त्यास्तव सजग राहू. जे आपल्या हाती नाही त्याबाबत विचारात का वेळ खर्च करावा?

दुसरी बाब म्हणजे लाट सर्व जागी येत आहे, जशी यूरोपात आढळली, दिल्लीची गोष्ट चालू आहे कि तेथे तृतीय लाट सुरू आहे यावरून आपणाकडेही यांचे पडसाद येतील, काही आकडेवारीत वाढ आढळेलच अशांत जितकी सजगता राखल्या जाईल तितका त्या लाटेचा चरम रोखण्यात हातभार लागेल. तिच्या फैलावात रोखथाम होईल, करिताच मास्क वापर, सोशल डिस्टेंस पालन व सॅनिटायजेशनसह हस्तप्रक्षालन ही सवय व्यवस्थीत कायम राखल्यास आपण सारे मिळून यातूनही मार्ग काढू.