Category: Weather Report

मुंबई:- कोरोना संकटाच्या गराड्यात असतानाच शेतकर्‍यांना दिलासादायी बातमी मिळण्याचा संभव आहे. राज्याच्या अनेक भागात पावसाने दडी मारली आहे. हवामान खात्याच्या म्हणण्यानुसार येत्या चोवीस तासात मान्सून राज्याच्या बर्‍याच भागात पोचेल आणि चांगला पाऊस पडेल. मुंबई व आसपासच्या भागातही गुरुवारी संथ पाऊस बरसला. हवामान खात्याचा अंदाज आहे की 13 आणि 14 जून रोजी मुंबईत मुसळधार पाऊस पडेल. हवामान खात्याचे उपमहासंचालकांनूसार, मान्सून अरबी समुद्राच्या उत्तरेस 18 अंश उत्तरेकडे रत्नागिरीमार्गे सोलापूरकडे जात आहे. पुढील 24 तास पावसाळ्याचे मार्गक्रमणासाठी अत्यंत अनुकूल आहेत.

मराठवाडा आणि मध्य महाराष्ट्रात येत्या काही दिवसांत मुसळधार पाऊस पडण्याची शक्यता आहे. उत्तर मध्य महाराष्ट्र वगळता राज्यातील बहुतांश भागात येत्या 4 दिवसांत पाऊस पडेल. त्यानंतरच्या शनिवारी आणि रविवारी मुंबई आणि पालघर जिल्ह्यात मुसळधार पाऊस पडेल. लोकांना जागरुक राहण्याचा इशारा देण्यात आला आहे. मुंबईत पावसाळ्याची सुरूवात झाली आणि महानगराच्या दादर, माटुंगा, कुलाबा, मालाड, कांदिवलीसह ठाणे जिल्ह्यातील अनेक भागात गुरुवारी पावसाने हजेरी लावली. यंदा राज्यात मान्सून सामान्य राहील, असा अंदाज आहे.

नागपूर:- दिलासादायी पावसानंतर हवामानात पुन्हा बदल झालाय. गेल्या काही दिवसांपासून आर्द्रतेसह उष्णताही वाढत आहे. आर्द्रतेमुळे नागरिक घामाझोकळ होताहेत. सकाळपासूनच तिव्र सूर्यप्रकाश व उन्हाने लोकांना कूलर चालू करण्यास भाग पाडलेय, परंतु आर्द्रतेमुळे कुलर आणि पंखे काम करेनासे झालेत. कडक उन्हामुळे शहराचे तापमान पुन्हा वाढू लागले आहे. जरी काही ठिकानी सकाळीस मंद रिमझिमता पाऊस झाला, पण हवामान थंडावले नाही.

हवामान खात्याने शहराचे कमाल तापमान 39.8 अंश तर किमान तापमान 25.3 अंश नोंदविले. तापमानात वेगाने वाढ होऊ लागली आहे ज्यामुळे उष्णतेमुळे चिकट आर्द्रतेने त्रास होऊ लागला आहे. विभागाच्या म्हणण्यानुसार जिल्ह्यासह शहरातील काही भागात 13 जूनपर्यंत जोरदार गडगडाटासह वादळी वारे व वादळासह पाऊस पडण्याची शक्यता आहे. 11 जूनला रिमझिम पावसानंतर पुढील 2 दिवसांत मुसळधार पाऊस पडण्याची शक्यता आहे. जिल्ह्यात केवळ एक दोन जागी पावसाची  शक्यता आहे. त्यानंतर मान्सूनपूर्व पाऊस सुरू होईल.

नागपूर:- गेल्या काही दिवसांपासून शहरात दररोज पाऊस पडतो आहे, ज्यामुळे असे वाटतेय की उन्हाळ्यातच पावसाळा सुरू झाला आहे. मान्सून येणार आहे, पण त्यापूर्वी पावसाळ्याप्रमाणेच ढगांतून वर्षाव होतो आहे. शनिवारी दुपारी साडेतीनच्या सुमारास शहरात जोरदार वा-यांसह मुसळधार पाऊस सुरू झाला जो तब्बल दोन ते अडीच तास सुरू होता. त्यामुळे बर्‍याच ठिकानी, रस्ते आणि चौकांवर पाणी साचले.

या पावसाने गटारे आणि नाल्या तुंबल्या, प्रशासनाची सफाई बाब उघड्यावर आणली. विजवितरण विभागासही ठिकठिकाणी प्रवाह सुरळीत करण्यास बरीच धावपळ करावी लागली. पावसामुळे तापमानात घट झाल्याने उष्णतेपासूनही सुटका झाली. शनिवारी शहराचे कमाल तपमान 35.3 अंश नोंदविले गेले जे सरासरीपेक्षा 6.3 अंश कमी होते, तर किमान तापमान 22.8 अंश, जे सरासरीपेक्षा 5.5 डिग्री खाली आहे.

शुक्रवारी उशिरा रात्रीही शहरात जोरदार पाऊस पडला. शुक्रवारी रात्री 11.15 वाजेच्या सुमारास रिमझिम सुरू झाली आणि त्यानंतर  मुसळधार पाऊस पडला. जोरदार वा-यांसह पावसाने थंडी वाढविली होती, त्यामुळे लोकांना घरांचे कूलर बंद करावे लागले. शुक्रवारी रात्री ते शनिवारी सकाळी 8.30 वाजेपर्यंत हवामान विभागाने 10.4 मिमी पावसाची नोंद केली.

हवामान खात्याने शहराती हवामानाचा अंदाज 12 जून पर्यंत तत्सम रहाण्याची शक्यता वर्तवीली, येत्या चोवीस तासांत जिल्ह्यातील काही ठिकाणांसह शहरामध्ये पाऊस पडण्याची शक्यता आहे. 8 ते 10 जून दरम्यान दिवसा जोरदार वारे वाहतील. 11 आणि 12 जून रोजी अंशतः ढगाळ वातावरण असेल आणि वेगवेगळ्या ठिकाणी पाऊस पडेल.

नागपूर:- महिन्याचे सुरुवातीलाच पावसाने समाधानकारक पाऊल टाकत प्रवेशाने वातावरण थंडगार केलेय, नवतप्यातील तप्त काहिलीने जनसामान्य त्रस्त होते मात्र नवतपा समाप्तीआधीच पहिल्या पावसाने जिल्ह्याभरात अचानक झालेल्या या बदलांमुळे बुधवारी सकाळी आणि संध्याकाळी चांगला पाऊस बरसला.

या पावसाने शहराला पुन्हा पुर्ववत हालचाली घडवण्यात मदत केली: शहरात बुधवारी सकाळी चार् वाजेपासून विजेचा कडकडाटांसह चांगलाच पाऊस झाला. दिवसभर वातावरण ढगाळ होते तर सायंकाळी साडेपाचच्या सुमारास पुन्हा पावसाने पुनरागमन केले व वातावरण आल्हाददायी राखले, मात्र पावसामुळे काही चौकांत आणि रेल्वे अंडरब्रिज खाली पाणी जमा झाल्याच्या तक्रारीही आल्या.

हवामान खात्याच्या अंदाजा नुसार बुधवारी शहरात 22.8 मिमी पावसाची नोंद झाली, 4 वाजता वीजेच्या कडकडाटसह काही ठिकानी जोमदार जलवर्षाव झाला. त्यानंतरचा संपुर्ण दिवस आकाश ढगाळ होते. वातावरणात थंडावा होता, तिन दिवसांआधी नागरिक येथील अतितप्त उन्हात होरपळत होते व कुठेही बाहेर निघण्यापासून वाचत होते पण अशा या आकस्मिक वातावरण बदलांनी लोकांना बराच दिलासा दिलाय परिणामी रस्त्यावरील वर्दळ वाढली, 30 मे नवतपाचे चोथ्या दिवशीच हा बदल झाला व पश्चातचे दोन दिवसातच वातावरण संपूर्णपणे बदलले. दरवर्षी नागपूर चंद्रपूर चे तापमान या काळात सर्वाधिक असते पण या वर्षाला नवतप्यासही आपल्या वेळेपूर्वीच आटोपते घ्यावे लागले.

फुटाळा येथे तरुणाईने घेतला पावसाचा आनंद: काही भागात वादळी पाऊस तर काही ठिकाणी संथ सरी अशात फुटाळा परिसरात एका भागात तरुणाई पाण्याचा जलतरणाचा आनंद घेत असलेली अाढळली, वादळामुळे काही ठिकाणी झाड पडणे, घरांचे छप्पर उडने, अशा घटना घडल्या. वादळाचे शक्यतेमुळे ऊर्जा मंत्री नितीन राऊत यांनी नागरिकांच्या मदतीस्तव हेल्पलाइन नंबर जारी केलेत, यासंबंधी कुठल्याही प्रकारची अडचण भासल्यास यावर आलेल्या तक्रारींचा त्वरित निपटारा करण्याचे आदेशही दिले.

आजही असेल पाऊस: हवामान खात्याच्या अंदाजानुसार आजही अशाच प्रकारची पावसाची शक्यता आहे, पाऊस नसला तरी ढगाळ वातावरण कायम राहील. बुधवारी शहरातील कमाल तापमान 32 अंश सेल्सिअस नोंदले गेले तर किमान तापमान 21.3 अंश सेल्सिअस होते, विदर्भात सर्वाधिक पाऊस अमरावती जिल्ह्यात 44.4 मिमी नोंदवला गेला. हवामान विभागानुसार अमरावती, भंडारा-गोंदिया, नागपूर आणि वर्धा जिल्ह्यात 30 ते 40 मैल प्रतितास वारे व पावसाची शक्यता सांगितलेली आहे यासह वादळी पाऊसही संभव आहे.

नागपुर:- जून मधील नागपुरच्या गर्मीचे तड्याख्याची उदाहरणं सर्वत्र दिल्या जातात मात्र गेल्या दोन दिवसात अतितप्त गर्मीपासून दिलासा भेटलेला आहे, दोन दिवसापासून ढगाळ वातावरणामुळे आणि मध्यम् मंद पडणाऱ्या सरींमुळे सर्व नागरिक उष्म्यापासून तात्पुरते संरक्षीत आहेत, उष्णतामानात तब्बल 12 अंश सेल्सियसची घट पडलीय व गर्मी पासून दिलासा भेटतो आहे

रविवार सोमवार व आज मंगळवारीही वातावरण ढगाळ असल्याने तापमान कमी जाणवते आहे, अशा वातावरणात बहुसंख्येने लोक बाहेर फिरतांना आढळताहेत. रविवारी शहराचे कमाल तापमान 43.3⁰ नोंदले गेले जे सोमवारी 11.6⁰ नी उतरले,  तब्बल 31.57 अंशावर आले, हे सरासरी 10.7⁰ पेक्षाही कमी आहे. तर किमान तापमानही 24.25⁰ होते जे सरासरीपेक्षा 6.2⁰ कमी आढळतेय, तापमान घटल्यामुळे या कमाल तापमानाच्या कालावधीत नागरिकांनाही दिलासा मिळतो आहे, शीत वातावरणांत रस्त्यांवर वर्दळ मात्र वाढली आहे

19.2 मिमी पाऊस नोंद: हवामान विभागाने रविवारी सकाळी  8.30 पर्यंत शहरात 19.2 मिमी पावसाची नोंद केली, यामुळे शहरातील वातावरणात कमालीचा फरक झाला जो रात्रीपर्यंत कायम होता व आजच्या झालेल्या चांगल्या पावसामुळे त्यात अधिकच वाढ जाणवत आहे, त्यामुळे घरोघरी वापरले जाणारे कुलरही थंडावले व ते बंद केल्या गेल्यामुळे विजवितरण प्रणालीसही दिलासा मिळाला आहे.

जवळपास संपूर्ण विदर्भातच अशा प्रकारचे संमिश्र वातावरण राहिले. चंद्रपुरात 21.0 मिमी, यवतमाळ 23 मिमी, वर्धा येथे 6 मिमी पावसाची नोंद केली गेली. वातावरण बदलामुळे  संपुर्ण विदर्भात सर्व जिल्हांत तापमानात 32 से 36⁰ घट आढळतेय.

7 सात दिवस असेच ढगाळ वातावरणाची संभावना: हवामान खात्याने पुढील सात दिवस तसेच ढगाळ वातावरणाची व मध्यम सरीच्या पावसाची शक्यता सांगितलेली आहे . 2 जून रोजी मध्यम, जास्त विजा व गडगडाटासह वाऱ्यांच्या प्रभावात हलकी मध्यम पावसाची शक्यता सांगितलेली आहे तर 3 जून रोजी ढगाळ वातावरण कायम राहण्याचा संभव आहे  4 जून रोजी काही ठिकाणी हलक्या सरी. 5 जून मध्यम वृष्टी. 6 जून रोजी ढगाळ वातावरण व काही ठिकाणी संमिश्र पाऊस तर  7 जून रोजी अंशतः ढगाळ वातावरणाचा अंदाज वर्तवला गेला आहे. एकुणच संपूर्ण आठवडा गर्मी पासून दिलासादायी राहील.

विदर्भातील स्थिति

• अकोला 39.3
• अमरावती 35.0
• बुलढाना 34.6
• चंद्रपुर 33.5
• गड़चिरोली 36.0
• गोंदिया 36.0
• वर्धा 33.5
• वाशिम 35.0

नागपूर:- नवतपा च्या पहिल्याच दिवशी शहरात उन्हानें कहर गाठला. सूर्याच्या रौद्र रूपामुळे माणसेच नाहीत पशु -पक्षीही सावलीत दडून आहेत. सकाळी 9-10 वाजताच पाखरांचा कलकलाट बंद होतो. लोक घरात दडून आहेत. बाहेर जाणारे सर्व चेहरा-डोक्यावर कापड गुंडाळूनच घराबाहेर निघताहेत.

आकाशातून तब्बल सायंकाळचे 6 वाजेपर्यंत जणू अग्निवर्षाव होतो आहे ज्यामुळे शहराचे कमाल तापमान 47⁰ सेंल्सियस वर पोचले जे सरासरीपेक्षा 3.8⁰ सेल्सियस जास्त होते.  रात्रवेळी तरी जरा दिलासादायी तापमान आहे. किमान तापमान 26.7⁰ नोंदले गेलेय जे सरासरीपेक्षा 2.1⁰ कमी आहे. दिवसा ताप आणि रात्रवेळी हलका दिलासादायक हंगाम चालू आहे. नवतप्याचे पहिलाच दिवशी पारा 47⁰ वर पोचला आहे. तो वाढण्याचाच अंदाज  आहे.

3 दिवसांचा रेड अलर्ट: हवामान विभागाने नागपूर सह विदर्भातील ईतर जिल्हांस पुढिल 3 दिवसांचा रेड अलर्ट घोषित केलाय. लोकांस सतर्कतेची सुचना दिली आहे. दिवसभर उष्ण वारे चालू आहेत जे सायंकाळी उशीरापर्यंत असतात यांपासून बचावाची सुचना जिल्हा प्रशासनाने केली. हवामान विभागाने 25 ते 27 पर्यंत रेड अलर्ट घोषित केलाय. यासह नागपूर, अकोला, चंद्रपूर, गोंदिया, अमरावती आणि वर्धा जिल्ह्यांत ब-याच जागी 28 में रोजी तिव्र उष्णतेच्या लाटांची शक्यता आहे. म्हणजेच पुढील काही दिवस तिव्र गर्मी व पोळणारे उष्ण वा-यांच्या लहरी झेलाव्या लागतील.

तापमानात सलग वाढ: मागील 4-5 दिवसांपासून शहराचे तापमान सतत वेगाने वाढत आहे. 22 मे रोजी कमाल तापमान 45.6⁰ होते जे 23 रोजी 46.5⁰ वर गेले. त्यानंतर 24 मे रोजी 46.7⁰ नोंदले गेले. दुसर्‍याच दिवशी वाढत 47⁰ वर पोचले, ह्याच गतीने प्रवास राहिल्यास 2013 मधील 47.9⁰  सेल्सियसचा रेकॉर्ड लवकरच मागे पडेल.

लोक दुपारी 12 ते सायं. 6 वा. कालावधीत  बाहेर पडायचे टाळत आहेत. दुपारी शहरांतील रोड रिकामे असल्याचे चित्र दिसते. अगदी पाखरांचा कलकलाटही बंद दिसतोय.

अकोला सर्वाधिक: विदर्भात सोमवारी अकोल्याचे तापमान सर्वाधिक होते. तेथे कमाल तापमान 47.4⁰ नोंद केले गेले. तर अमरावती 46⁰, चंद्रपूर 46.8⁰, वर्धा 46⁰ आणि यवतमाळ 45.4⁰ नोंदले गेले. गडचिरोली 43.2⁰, बुलढाणा 42.6⁰ आणि ब्रम्हपुरी 45.2⁰ से. होते याचाच अर्थ संपूर्ण विदर्भ भयानक उष्णतेच्या गर्तेत आहे.

विदर्भातील स्थिती

• अकोला 47.4
• अमरावती 46.0
• चंद्रपूर 46.8
• गोंदिया 45.8
• वर्धा 46.0
• यवतमाळ 45.4
• गडचिरोली 43.2
• ब्रम्हपुरी 45.2