Category: Informative

नागपूर:- कोरोना लॉकडाऊनमुळे महावितरणने मीटरचे वाचन प्रक्रीयाही बंद केलेली होती परंतु आता प्रशासनाच्या परवानगीने कंटेनमेंट क्षेत्र वगळता उर्वरित भागात मीटर रीडिंग सुरू केली जात आहे. तब्बल 23 मार्चनंतर आता मीटर रीडिंगनंतर ग्राहकांना बिल दिले जाईल. दोन ते अडीच महिन्यांसाठीचे एकच बिल असेल. ज्या ग्राहकांनी एप्रिल आणि मे महिन्याचे बिल भरले आहे त्यांची रक्कम समायोजित केली जाईल.

महावितरणच्या प्रवक्त्याने सांगितले की, 1 जूनपासून लॉकडाऊन शिथील झाल्यानंतर बिल संकलन केंद्र सुरू करण्याबरोबर मीटर रीडिंगद्वारे बिले वाटण्याचे कामही सुरू करण्यात आले आहे. अडीच महिन्यांचे बिल एकत्रितपणे पाहून ग्राहकांनी घाबरू नये. लॉकडाऊन दरम्यान सरासरी युनिटचे बिल ग्राहकांना देण्यात आले होते.

ज्या ग्राहकांनी स्वत: वेब पोर्टल व मोबाईल अ‍ॅप्सवरून मीटर रीडिंग पाठविले त्यांना त्यानुसार बिल दिले गेले. आता देण्यात येणा-या बिलात ग्राहकांना स्लॅबच्या लाभापासून वंचित ठेवले जाणार नाही. जर 2 महिन्यांत 330 युनिट वापरले गेले तर 330 युनिटचा स्लॅब रेट न आकारता प्रत्येक महिन्यात 165 युनिटचा स्लॅब रेट आकारला जाईल. ज्यांनी सरासरी बिल जमा केले आहे, त्यांच्या बिलातील कायम शुल्क, वीज शुल्क वगळता उर्वरित शुल्क समायोजित केले जातील.

लॉकडाऊनमधे शिथिलता झाल्यानंतर टप्प्याटप्प्याने शाळा सुरू करण्यासंदर्भात शालेय विभागाने मार्गदर्शक सूचना जारी केली आहे. त्यानुसार शालेय शिक्षण विभागाने सर्व शाळांना शाळा व्यवस्थापन समितीची बैठक बोलण्यास सांगितले आहे. यानुषंगे विदर्भातील शाळा व्यवस्थापन समितीची बैठक 26 जून रोजी बोलविण्यात येणार आहे.

बैठकीत शाळा सुरू करण्याच्या तयारीवर चर्चा करण्यात येईल. उर्वरित महाराष्ट्रातील शाळांच्या व्यवस्थापन समितीची बैठक 15 जून रोजीच घेण्यात आली. शाळा व्यवस्थापन समितीच्या मुख्य शिफारसी आणि तज्ञांच्या शिफारशीनुसार जिल्हा दंडाधिकारी किंवा मनपा कमिश्नरला कंटेनमेंट झोनमध्ये असलेल्या शाळा सुरू करण्यासंबंधीचा अधिकार असेल. सोमवारी मुख्यमंत्र्यांनी व्हिडीओ कॉन्फरन्सिंगद्वारे शालेय शिक्षण विभागाच्या बैठकीत नवीन शैक्षणिक वर्षाची सुरूवात केली.

मुख्यमंत्र्यांनी सांगितले, ऑनलाईन आणि डिजिटल पद्धती पायलट प्रकल्प म्हणून त्वरित सुरू केल्या पाहिजेत. जेथे कोरोनाचा प्रादुर्भाव नाही तेथील व ग्रामीण आणि शहरांपासून दूरच्या शाळा सुरू केल्या जाव्या. मुख्यमंत्री म्हणाले की ज्या भागात शाळा सुरू होताहेत तेथील विद्यार्थ्यांच्या आरोग्याची पूर्ण काळजी घेतली जावी.

ते म्हणाले की मी केंद्रीय माहिती व प्रसारण मंत्री प्रकाश जावडेकर यांचेशी दूरदर्शन व रेडिओच्या माध्यमातून राज्यात शिक्षण सुरू करण्याविषयीची चर्चा करेन. राज्याच्या शालेय शिक्षणमंत्री वर्षा गायकवाड म्हणाल्या, सरकारने ऑनलाइन अभ्यासाबाबतच्या पालकांच्या मतांचा विचार केला आहे. शिक्षण विभागाच्या परिपत्रकानुसार, इयत्ता पहिली व इयत्ता दुसरीच्या विद्यार्थ्यांना ऑनलाईन शिक्षण दिले जाणार नाही, परंतु या दोन्ही वर्गातील विद्यार्थ्यांना टीव्ही व रेडिओवर शैक्षणिक व कार्यक्रम दर्शविले आणि कथन केले जाऊ शकतात.

नागपूर:- दक्षिण उमरेड वनक्षेत्राच्या मौजा बेसूर परिसरात उसाच्या शेतावर वाघाने गेल्या 21 दिवसांपासून ताबा घेतला आहे. मानवी-वन्यजीव संघर्ष परिस्थिती रोखण्यासाठी उमरेड वनविभाग आणि एसटीपीएफचे पथक दिवसाचे 24 तास पहारा देत आहेत. अलीकडेच वाघिनीने 2 शेतकर्‍यांवर हल्ला केला. या घटनेनंतर आसपासच्या ग्रामीण भागात भीतीचे वातावरण आहे. वाघिनीने ऊसाचे शेतीत 4 शावकांना जन्म दिलाय, बचावाचे संभवात वाघिनीने 23 मे रोजी दोन शेतक-यांवर हल्ला केला. जखमी केल्यानंतर वाघीण जवळच्या उसाच्या शेतात लपली. वेळेवर केल्या गेलेल्या उपचारामुळे दोन्ही शेतकर्‍यांची प्रकृती स्थिर आहे.

वनाधिका-यांनी केलेल्या तपासणीत असे दिसून आले की या वाघिनीने 4 शावकांना जन्म दिला असून ती ऊस शेतात आपल्या मुलांचे संरक्षण करीत आहे. मानवी-वन्यजीव संघर्षाची परिस्थिती रोखण्यासाठी आणि वाघ आणि शावकांना संरक्षण देण्यासाठी उमरेड वन अधिका-यांची टीम गेल्या 21 दिवसांपासून कार्यरत आहे. वास्तविक बेसूर वनक्षेत्र आरक्षित वनक्षेत्र आहे. उमरेड करांडला आणि ताडोबाला जोडणार्‍या या कॉरिडॉरमधून वन्यप्राणी प्रवास करतात. या वन कॉरिडॉरच्या सभोवताल काही गावे आहेत आणि लोक जंगलासगतच लागवड करतात.

जिव धोक्यात घालून काम:

व्याघ्रहल्ल्यानंतर शेतक-यांमध्ये भीतीचे वातावरण आहे. वाघ शेतात असल्याने शेतकर्‍यांना शेतात काम करणे कठीण झाले आहे. काही शेतक-यांनी भीतीपोटी काम बंद केलेय. शेती करता येत नसल्यामुळे शेतकर्‍यांवर आर्थिक पेच वाढत आहे. शेतकर्‍यांच्या अडचणी लक्षात घेऊन वन अधिकारी त्यांना सुरक्षा देताहेत. मानवी-वन्यजीव संघर्षाची परिस्थिती उद्भवू नये आणि शेतकर्‍यांचेही नुकसान होऊ नये म्हणून सकाळपासून संध्याकाळपर्यंत शेतक-यांच्या सुरक्षेसाठी वन कर्मचारी तैनात असतात.

दिवसरात्र 30 कर्मचारी तैनात: 

आरएफओ वैष्णवी जरे सांगतात शावक सोबत असल्याने कुणाही व्यक्तीने आसपास जाणे धोकादायक आहे. वाघाने 4 शावकांना जन्म दिला असून त्यापैकी 2 नर व 2 मादी आहेत. शावकांचे अद्याप डोळेदेखील उघडलेले नाहीत. वाघांच्या हालचालींवर नजर ठेवण्यासाठी आवारात 19 कॅमेरे बसविण्यात आले आहेत. वाघिण शेताकडे जाऊ नये म्हणून सौर कुंपण केले गेलेय. शावकं खूपच लहान असल्याने तिला सध्याच शेत सोडणे कठीण आहे. वाघाचे परीक्षण करण्यासाठी वन कर्मचार्‍यांनी आवारात 5 के 6 मचान उभारून 24 तास तैनाती राखली आहे. 15 एसटीपीएफसह एकूण 30 वन कर्मचारी एकजुटीने कार्यरत आहेत.

ड्रोनद्वारे निरीक्षण:  शावकांवर ड्रोनद्वारे निरीक्षण ठेवले जात असल्याचे उपवनसंक्षक प्रभुनाथ शुक्ला सांगतात. एनटीसीएच्या मार्गदर्शक सूचनांनुसार वाघिन आणि तिचे पिलांची देखभाल केली जात आहे.शेतात काम करणा-यांसाठी ढाल म्हणून वनरक्षक कर्तव्य करून शेतक-यांना मदत करीत आहे. शावकांच्या आवाजाची व आजूबाजूला बसविलेल्या कॅमे-यांत वाघिनीची अनेक छायाचित्रे कैद झाली आहेत. याशिवाय वाघिणीने शेतकर्‍यांवर हल्ला करु नये, म्हणून त्यांना समुहानेत शेतिकाम करण्याचा सल्ला देण्यात आला आहे, काम करतेवेळी मोठ्याने संवाद राखणे व रात्री शेतात काम न करण्याचा सल्ला दिला आहे.

Nagpur:- Locust swarms descended Tuesday in Maharashtra’s Pench Tiger Reserve, a forest official said. The swarms flew in from the west of Koltimara and descended to the east over Borban, Chor Bahuli, Silari, and Pipriya forest areas, said Pench Tiger Reserve director Ravikiran Govekar.

The reserve is scattered across the Maharashtra and Madhya Pradesh border. The forest and agriculture departments of Maharashtra kept a watchful eye on the movement of locusts but there was no spraying of pesticide as the reserve is a protected area, he added.

Swarms shifted toward Mansar after it rained on Tuesday afternoon, and no significant damage to crops or trees was reported, Govekar said.

नागपूर:- कोरोना संसर्गप्रतिबंधक संचारबंदी मुळे शिकाऊ परवानाधारकांचा कालावधी वाढविण्यात आला आहे. ज्यांचे परवान्याची तारीख एप्रिल, मे मध्ये संपणार होती. त्यांना आता 30 जूनपर्यंत मुदतवाढ देऊन दिलासा मिळाला आहे. म्हणजेच लर्निंग लायसन्सधारकांना पुन्हा ऑनलाईन चाचणीला सामोरे जावे लागणार नाही.

अधिकृत आकडेवारी बघता शहरात 12 लाखाहून अधिक वाहने आहेत. ती वाहने चालविण्यासाठी परवाना आवश्यक आहे. अशा परिस्थितीत वाहनधारकांना आरटीओ कार्यालयात कागदपत्र इत्यादींची प्रक्रिया पूर्ण करून परवाना घ्यावा लागतो. या प्रक्रियेत प्रथम, परवान्यासाठी ऑनलाईन तारीख घ्यावी लागते. मग या तारखेला ऑफिसमध्ये जाऊन  परीक्षा ऑनलाइन द्यावी लागते. यानंतर कार्यालयाद्वारे 6 महिने शिकाऊ व नंतर कायम परवाना दिला जातो.

वाहनधारक चाचणी उत्तीर्ण झाला तरच त्याला परवाना देण्यात येतो. शिकाऊ परवाना 6 महिने टिकतो. पण बर्‍याच काळापासून कोविड19 मुळे संपूर्ण देश ठप्प झाला. तसे आरटीओ कार्यालयही बंद आहे. यामुळे, शिकाऊ परवाने कालबाह्य होणार होते. व पुर्वनियमाने अशांना  पुन्हा ऑनलाईन परीक्षा द्यावी लागली असती. पण आता अशांसाठी दिलासादायी बातमी आहे. प्रादेशिक परिवहन कार्यालयाने अशा सर्वांना दिलासा दिला आहे. शिकाऊ परवानाधारकांना 30 जूनपर्यंत मुदत देण्यात आली आहे.