Category: Nagpur Police

नागपूर: कोरोना महामारीचा रोगप्रसार रोखथामाकरिता व स्वत:चा यापासून बचाव करण्याकरता मास्क वापर करणे बंधनकारक केले गेले आहे, यासाठी नागपुरात महानगरपालिका चमूसह, वाहतूक पोलीस विभागही मास्कचा वापर न करणाऱ्यांवर दंडात्मक कारवाई करत आहे. उपायुक्त विक्रम साळी यांनी या संबंधित जनतेला आवाहन केले आहे, वाहतूक पोलीस विभागाने आतापर्यंत सहा हजार मास्क न वापरता वाहन चालवीत आढळलेल्या लोकांवर कारवाई करून दंड ठोठावला आहे.

पोलीस उपायुक्त विक्रम साळी यांनी याबाबत माहिती देतांना नागरिकांना मास्कचा वापर जरूर करण्याचे आवाहन केले आहे, संपूर्ण पोलीस दल माननीय आयुक्त अमितेश कुमार यांच्या मार्गदर्शनाखाली मोठ्या प्रमाणात नो मास्क वावरणा-यांर कारवाई करत आहे. विदाऊट मास्कचे आतापर्यत सहा हजार चलान केले गेले आहेत, कोवीड पासून दुर रहायचं तर मास्क, सॅनिटाईजर व सोशल डिस्टेंस हि त्रिसुत्री पाळावीच लागणार असल्याचे ते म्हणाले. मास्क पेहराव हा केलाच पाहिजे दुचाकी, चारचाकी वा पायी जरी फिरणार असाल तर मास्कशिवाय फिरत असल्यास दंडाचा सामना करावा लागेल.

नागपूर:- नागपूर महानगरपालिकेच्या उपद्रव शोध पथकाचे जवानांनी शुक्रवारी (१८ सप्टेंबर) ला मास्क शिवाय फिरणा-या बेजबाबदार ३५३ नागरिकांविरुध्द कारवाई केली असून त्यांच्याकडून रुपये ५०० प्रमाणे १ लक्ष ७६ हजार ५०० रुपयांचा दंड वसूल केला. मागील काही दिवसात शोध पथकांनी ६४४२ नागरिकांविरुध्द कारवाई करुन रु. १५,८०,०००/- चा दंड वसूल केला आहे.

नागपूरात रुग्णांची संख्या सतत वाढत आहे तसेच मृतांची संख्या पण वाढत चालली आहे. यावर नियंत्रण करण्यासाठी महानगरपालिकेचे उपद्रव शोध पथक दररोज दहा ही झोनमधील मास्क शिवाय फिरणा-या बेजबाबदार नागरिकांविरुध्द कारवाई करत आहे. नागरिकांना कोरोनापासून बचाव करण्यासाठी वारंवार मास्क लावणे, सामाजिक अंतराचे पालन करणे, हात स्वच्छ धुणे इ. ची सूचना नागपूर मनपा व्दारे वारंवार केली जात आहे.

तरीसुध्दा नागरिक मास्क शिवाय फिरत आहेत. त्यामुळे त्यांच्याकडून मास्क न घातल्याबददल रु ५००/- दंड आकारण्यात येत आहे.लक्ष्मीनगर झोन अंतर्गत ३९, धरमपेठ झोन अंतर्गत ४१, हनुमाननगर झोन अंतर्गत २४, धंतोली झोन अंतर्गत ४२, नेहरुनगर झोन अंतर्गत १६, गांधीबाग झोन अंतर्गत २०, सतरंजीपूरा झोन अंतर्गत २७, लकडगंज झोन अंतर्गत ११, आशीनगर झोन अंतर्गत २६, मंगळवारी झोन अंतर्गत १०५ आणि मनपा मुख्यालयात २ जणांविरुध्द शुक्रवारी ही कारवाई शोध पथकाचे प्रमुख विरसेन तांबे यांच्या मार्गदर्शनात करण्यात आली.

आतापर्यंत लक्ष्मीनगर झोन अंतर्गत ६६७, धरमपेठ झोन अंतर्गत १२८९, हनुमाननगर झोन अंतर्गत ५८८, धंतोली झोन अंतर्गत ७१४, नेहरुनगर झोन अंतर्गत ३९५, गांधीबाग झोन अंतर्गत ४११, सतरंजीपूरा झोन अंतर्गत ४००, लकडगंज झोन अंतर्गत ३७७, आशीनगर झोन अंतर्गत ६७५, मंगळवारी झोन अंतर्गत ८७८ आणि मनपा मुख्यालयात ४८ जणांविरुध्द कारवाई करण्यात आली आहे.

नागपूर:- शहराचे नवे सीपी अमितेश कुमार कारवाईच्या मूडमध्ये आले आहेत. सोमवारी त्यांनी आपल्या संपुर्ण ताफ्यासह इतवारी मार्केटला भेट दिली, यावेळी बाजारपेठांत होणारी गर्दी, त्याची कारणे व वर्दळीस, रहदारीस अडथळे करणारी दुकानांची अतिक्रमणे त्यांनी न्याहाळली

प्रत्येक दुकानात जाऊन त्यांनी व्यापा-यांना सामाजिक अंतर पाळण्याचे आवाहन केले. त्याचबरोबर त्यांनी दुकानांसमोर ठेवलेल्या वस्तू व अतिक्रमणांबाबतही चेतावणी दिली.सीपींनी अन्य ब-याच बाबींवर व्यापा-यांशी चर्चाही केली, अतिक्रमणाबाबत त्यांनी व्यापा-यांना सांगितले की, त्यांनी तातडीने दुकानांवरील अतिक्रमण हटवावी. आज ते केवळ सर्व काढण्यासाठी सांगितले जात आहे, परंतु पुढच्या वेळी जेव्हा आम्ही परतू तेव्हा हीच परिस्थिति कायम असल्यास सर्व माल जप्त करू.

सिपींच्या या अचानक भेटीने व्यापा-यांत जरब बसला तर रहदारीत असलेल्या नागरिकांत कौतूहल होते, मार्गाने प्रवास करणारे नक्की काय सुरू आहे हे जाणून घ्यायला थांबून पहात होते. अमितेश कुमार यांच्या एक्शन मोडचीच चर्चा नंतर गाजत होती.

नागपुर:- एमआयडीसी पोलिस ठाण्यातील वरिष्ठ पोलिस निरीक्षक हेमंत कुमार खराबे यांनी कर्मचाऱ्यांची कुटुंबासारखी काळजी घेण्यावर भर राबविण्यात येत असल्याची माहिती नुकतीच कळवीली आहे. कोरोनावायरस संसर्गात पोलिस कर्मचा-यांना सर्वात जास्त जनसंपर्कामुळे संभाव्य धोका असतो करिता अलीकडेच कर्मचाऱ्यांना औषधी व पल्स मीटरचे त्यांनी ठाण्यात केलं.

ते सातत्याने कर्मचार्‍यांच्या फिटनेस व प्रश्नांकडे लक्ष ठेवून आहेत त्यांनी ठाण्यातील प्रत्येक खोलीत कर्मचाऱ्यांसाठी वाफारा व सॅनिटाईजेशन यंत्रे ठेवली आहेत शिवाय प्रत्येक कर्मचाऱ्याला ते दर तासाला गरम पाणी पिण्यासाठी सांगतात, आता एकत्र जेवण करू नका, सामाजिक अंतर पाळा अशा प्रकारच्या सूचनाही त्यांनी सर्व कर्मचाऱ्यांना दिल्या आहेत. कर्मचाऱ्याला अस्वस्थ वाटत असल्यास ताबडतोब ते त्यांना रुग्णालयात जाण्याचा सल्ला देतात. व फॉलो अपही घेतात, त्यांच्या नेतृत्वात एमआयडीसी पोलिस ठाण्याअंतर्गत गुन्हे आलेख कमी झाला असून कर्मचाऱ्यांसाठीही ते वडिलकिच्या भूमिकेतून वागून असतात.

कोरोना कालावधीत आजपर्यंत पोलिस कर्मचार्‍यांनी आणि सर्व लोकांनी एकत्रित काम केले, प्रथम आम्ही लॉकडाऊन मधे राशन वितरण केले. आमचा भाग औद्योगिक असल्याने परप्रांतीय मजुर बहुसंख्येत येथे वास्तव्यास आहेत, त्यांसाठीची जेवण व्यवस्था ई.

राबविली, ज्यामुळे आमचे क्षेत्रातील लाखो कामगार त्यांच्या गावी परत गेले नाहीत, आता विद्यमान परिस्थितित कोरोनावायरस प्रादुर्भाव तिव्र आहे यामुळे आम्ही बाह्यभागातच पल्स ऑक्सिमिटर वगैरे सामग्री लावली आहे, ठाण्यात येणा-या प्रत्येकाचाच सॅनिटाईजेशन व पल्स ऑक्सीमीटरने ऑक्सिजनची पातळी तपासतो, ज्यांची कमी आढळली, शरिराचे तापमान जास्त आढळले तर त्यास हॉस्पिटलला पाठविण्यात मार्गदर्शन व मदत करतो आणि त्यासाठी, आम्ही सर्वांना निवारक औषधही दिले आहे, जे कर्मचारी पॉजिटिव्ह आहेत, त्यांच्या घरीच ऑक्सिमीटर, प्रतिबंधक औषधं पाठवले आणि ति घेण्याविषयक मार्गदर्शन केले जाते, नागपूरचे नवे आयुक्त अमितेश कुमार यांनी याविषयक कोणत्याही प्रकारची कमतरता कर्मचा-यास भासू नये असे निर्देश दिलेले आहेत. त्यानुसार सर्व कार्यवाही चालू असल्याचे हेमंत कुमार खराबे यांनी सांगितले